Jorulf Brøvig Silde er bransjedirektør, Drift og Service i NHO Service og Handel. Foto: NHO Service og Handel
I ein kronikk i Kommunal Rapport peikar Jorulf Brøvig Silde, bransjedirektør i Drift og Service i NHO, på at kommunane ikkje kan møte eldrebølgja ved å gjere meir av alt på same måte som før.
Noreg får stadig fleire eldre, og kommunane står framfor store utfordringar med kapasitet, kompetanse og bemanning. Skal vi sikre gode og verdige tenester også i framtida, må ressursane brukast smartare.
Private og ideelle aktørar kan ikkje løyse utfordringane åleine, men dei kan bidra med fagmiljø, teknologi, logistikk og produksjonskapasitet. Det gjeld mellom anna matomsorg, reinhald, byggdrift og andre tenester som er avgjerande for ein trygg og god kvardag for eldre.
Silde understrekar at det offentlege framleis skal ha ansvaret for å definere behov, stille krav og sikre kvalitet. Men kommunen treng ikkje nødvendigvis produsere alle tenestene sjølv.
– Poenget er ikkje kven som eig kjøkkenet, bilen eller produksjonslokalet. Poenget er om den eldre får trygg mat, gode rom, stabile leveransar og verdig omsorg, skriv Silde.
Bodskapen er at framtidas eldreomsorg krev samarbeid mellom kommunar, ideelle og private aktørar – og at fellesskapet må ta i bruk alle gode krefter for å møte eldrebølgja.
Gi oss gjerne en kommentar i tillegg - hvordan kan vi forbedre oss?
